Ұзынағаш

Қасиетті Құран жарысы

pftlkz — Thu, 14 May 2015 16:29:48 GMT

IV Республикалық Құран жарысына шақырамыз Қазақстан мұсылмандары діни басқармасының ұйымдастыруымен 28-29 мамыр күндері Алматы қаласы «Байкен» мешітінде өтетін «IV Республикалық Құран жарысына» шақырамыз. Құран жарысына қатысушыларға қойылатын талаптар: - Әр өңірден өкіл имамның ұсынуымен 3 үміткер қабылданады. - Жарыс 30 параны толық жаттаған қарилар арасында өтеді. - Жарысқа қатысушылардан өзі қатысатын өңірде тіркеуде тұрғандығы жайлы мекен-жай анықтамасы талап етіледі. - Жарысқа 30 жастан аспаған Қазақстан Республикасының ер азаматтары ғана қатыса алады. - Жарысқа қатысуға үміткерлерді тіркеу мамыр айының 25-не дейін жалғасады. - Жарысқа қатысушылардың оқу қырағаты, тәжуид білімі, жаттау қабілеті бағаланады, оқыған аяттарының мағынасы (тәпсірі) сұралады. - Жарыс жеңімпаздары құнды жүлделермен марапатталады. Жарыс жеңімпаздары құнды жүлделермен марапатталады: 1 орын – «Hyunday» автокөлігі 2 орын – « Daewoo Nexia» автокөлігі 3 орын – «Лада Приора» автокөлігі 4 орын – Қажылық 5 орын - Умра Жарыстың өтетін орны мен уақыты: Алматы қаласы, Бостандық ауданы, «Байкен» мешіті. Розыбакиев пен Жандосов көшелерінің қиылысы. 28-29 мамыр. Анықтама телефондары: +7 (702) 859-26-08 Дүйсебаев Нұрболат; +7 (702) 201-07-02 Көкенай Саясат; kuranzharysy2015@mail.ru http://azan.kz/article/show/id/7587.html

Баскетбол жарысы

pftlkz — Thu, 14 May 2015 07:47:41 GMT

28.04.2015 жыл . 1-мамыр Қазақстан халқының бірлігі күніне орай мемлекеттік қызметкерлер арасындағы баскетбол жарысы . Жарыстың мақсаты: Мемлекеттік қызметкерлердің округ әкімдіктері аралық қарым қатынастарын нығайту. Салауатты өмір салтын насихаттау арқылы спортқа деген қызығушылықты арттыру. Спортқа деген белсенділік және физикалық шынығу. . Жамбыл ауданы жастары ақпараты

2 Жұлдыз жастар арасында

pftlkz — Thu, 14 May 2015 07:44:16 GMT

28.04.2015 жыл . «Екі жұлдыз» атты ән байқауы жастар арасында . Жарыстың мақсаты: Жастардың ән айтуға деген қызығушылықтарын арттыру, жаңа талант иелеріне қолдау көрсетіп халық алдына шығару жаңа жұлдыздарға дұрыс бағыт бағдар беру. Өнерлі жұптарды іріктей отырып,таланттарды анықтау, белсенділілерді қолдау. Жамбыл Ауданы жастары ақпараты.

Ұзынағаш жайлы жалпы мәлімет

pftlkz — Thu, 14 May 2015 07:35:18 GMT

Ұзынағаш Жалпы ақпарат Ұзынағаш ауылында аудандық бағыныстағы коммуналдық шаруашылық, электрлі қуаты желісі, баспахана, телекоммуникация, байланыс бөлімдері тағы басқа көптеген мекемелер бар. Аурухана, емхана, неке сарайы, дәріханалар, тұтынушылар құқығын қорғау басқармасы,, мектеп-интернат, спорт мектебі, Жамбыл атындағы аудандық кітапхана, Қарасай батыр атындағы Мәдениет үйі, орталық стадион, мешіт, қонақ үйлер, халыққа қызмет көрсету орталығы, мейрамхана, кафелер, сауықтыру-демалыс орындары жұмыс істейді. Ұзынағаш ауылының жанынан республикалық Алматы-Бішкек күре-жолы өтеді. Ұзынағаш селолық округінің ғимараты 1935 жылы тұрғызылған. 1991 жылы атқарушы комитет, 1993 жылы ауылдық кеңес, 1994 жылы селолық округ болып құрылған. . Ұзынағаш селолық округінде барлығы 39589 адам, 30-дан астам ұлт өкілдері тату-тәтті ғұмыр кешуде. Жергілікті халықпен бірге орыстар, немістер, түріктер, ұйғырлар т.б. көптеген ұлт өкілдері бірлесе еңбек етіп, ауылымыздың береке-бірлігін арттыруға өз үлестерін қосуда. Ұзынағаш селолық округі құрамына Ұзынағаш, Жаңақұрылыс, Ынтымақ ауылдары кіреді. Жаңақұрылыс ауылы 1930 жылы құрылған. Ауылдың атын Шарынбаев Әміре деген кісі ұсынған еді. Ауыл құрылғаннан кейін Ә.Шарынбаев ауыл кеңестің төрағасы болды. Колхоз негізінен мал және егін шаруашылығымен айналысқан. Осы ұжымды ұйымдастыруға ат салысқан Н.Тәжіұлы, А.Айтбаев, А.Исаев, Ұ.Тұрлымбетов, А.Рысмендиев т.б. азаматтар еді. Ынтымақ ауылы Қарғалы елді мекеннің батысында қоныстанған. Алғашқы козхоздастыру кезеңінде бұл ел Өтеміс жотасында өз алдына бір ауыл болып отырған болатын. 1933 жылы Қ.Жексенбиннің өкімет орындарына берген өтінішінің нәтижесінде бүгінгі Ынтымақ ауылының алғашқы іргетасы қаланды. Колхоз бастығы болып Қанапия Жексенбин сайланды. Ауыл тұрғындары егіншілік пен мал шаруашылығын дамытумен бірге тау баурайына алма бағын екті. Кейіннен бөлімше меңгерушілігіне тағайындалған Әбдібек Сұлубеков көпшілікті тың істерге жұмылдыра алатын, қолынан іс келетін білікті басшы бола білді. Тау баурайынан тауарлы сүт фирмасы үшін ірі комплекс салғызды. Осындай өрелі істеріне орай Ә.Сұлубеков «Еңбек Қызыл Ту», «Октябрь Революциясы» ордендерімен наградталды. Әлеуметтік сала Ұзынағаш селолық округіндегі білім ошақтарының жалпы саны – 7. Абай атындағы гимназия мектебі, С.Бердіқұлов атындағы орта мектеп, Наурызбай батыр Құтпанбетұлы атындағы орта мектеп, Т.Рысқұлов атындағы орта мектеп, Ш.Уәлиханов атындағы орта мектеп, А.Қарсақбаев атындағы орта мектеп және Ынтымақ ауылы орта мектептерінде барлығы 6130 оқушы сапалы білім алуда. Еліміздің ертеңгі ұрпағы өздеріне жасалып отырған қамқорлықты сезіне отырып, білім саласында түрлі жетістіктерге жетуде. Аудан орталығында үш балабақша бар. «Аққайың», «Ұлан» және «Өркениет» ұжымдарында 725 бала заманына сай тәрбиеленіп, оларға кәсіби біліктілігі жоғары тәрбиешілер тәлім беруде. Сол сияқты 150 орындық аурухана ұжымын да атап өтпеске болмайды. 100 дәрігер, 188 орта медбике науқас жандарға жүрек жылуымен, кәсіптік шеберліктерімен қызмет көрсетеді. 2008 жылы аурухана күрделі жөндеуден өтті. Ауылымызда «Құлансаз» фольклорлық ансамблі, «Ақ әжелер» ансамблі жұмыс істейді. Соңғы жылдар халықтың әл - ауқатының артуымен бірге, әлеуметтік қызметке деген де сұраныстары өсті. 2008 жылы 3 бөлмелі 35 арендалық тұрғын үй, 2011 жылы 10 арендалық, 7 коммуналдық тұрғын үй салынып жас мамандарға берілді. Мәдениет үйінің жанындағы еңселі ескерткіш Қарасай бабамыздың мүсіні, Ұлы Отан соғысында қаза тапқапқандарға және Ауған соғысына қатысқандарға арналған ескерткіш – мемориал, Жамбыл атындағы аллея ауылдың көркін келтіріп қана қоймай, жас ұрпақтың тәрбие алар ғибадатты орындарына айналып отыр. Экономика Ауылдық аймақтың жалпы жер көлемі – 78689 га құрайды, оның ішінде егістігі – 3882 га, суармалы егістік – 2736,28 га, шабындық жері – 202,77 га, жайылым – 72276 га. Округте 620 шаруа қожалықтары бар. Олар негізінен өсімдік шаруашылығымен, мал шаруашылығымен айналысады. Ауылдық аймақта 7 кірпіш зауыт, 2 диірмен, 1 май сығу цехы, 2 макарон цехы, 1 шұжық цехы, 3 кондитерлік цех, 2 наубайхана, 5 сауда үй, 146 дүкен, 7 мейрамхана, 15 кафе, 7 асхана, 3 базар, 2 тұшпара цехы ашылды.Сервистік қызмет көрсету нысандардан 9 аяқ киім жөндеу, 5 жихаз жасау мен өндеу, 10 шаштараз, 5 тұрмыстық техника жөндеу, 5 киім өндеу мен тігу, 7 қоғамдық монша, 6 фотосалон, 6 жанармай стансасы тағы да басқа нысандар жұмыс істеуде. 2007 жылдан бастап халыққа қызмет көрсету орталығы жұмыс істейді. 2004-2008 жыл аралығында өзіндік қосалқы шаруашылығын жүргізу үшін 2318 адамға жер телімі бөлініп берілді. 2008 жылдан бері табиғи газ құбыры жүргізіліп, халыққа қызмет етуде. 2009 «Балауса» спорт сауық кешені, «Төре» сауда орталығы ашылды. Ұзынағаш селолық округінің әкімі Ахметалиев Қайрат Серікбайұлы 1965 жылы 5-қарашада Алматы облысы, Жамбыл ауданы, Прудки ауылында дүниге келген. Білімі жоғары. 2004 жылы Д.Қонаев атындағы гуманитарлық институті. Мамандығы Заңгер.Үйленген үш баласы бар.

☺

pftlkz — Thu, 14 May 2015 07:30:49 GMT

Қазақстан Халықтарының Бірлігі күні

pftlkz — Fri, 01 May 2015 10:45:30 GMT

1 мамыр - Қазақстан Халықтарының Бірлігі күні «Бірлік болмай тірлік болмас» деген атам қазақ. Берекені көздеген ел мерекелі тірлік жасаудан жалықпаған. Бүгін Қазақстан халқы 1 мамыр ынтымақ пен бірлік күнін тойлап жатыр. «Береке бастауы бірлік, ел іші тату тірлік» қағидасын ұстанған ел үшін бұл мейрамның орны ерек. Жыл сайын атаулы мерекеде Қазақстан аумағында тұрып жатқан 130-дан астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын тойлайды. Еліміздегі этностарды бұрынғыдан да жақындастыру үшін бүкіл Қазақстанда жаппай патриоттық шерулер өтеді. Бүгінде «Достық» атты бір шаңырақ астына шоғырланған әрбір ұлттық-мәдени орталықтар мерекеде ән айтып, би билеп, жалпыхалықтық мейрамда дәстүр мен салтқа толы түрлі көріністер көрсетіледі. Халықтың көңіл-күйін көтеру үшін түрлі спорттық жарыстар ұйымдастырылады. 1 мамыр – Қазақстандағы 20 жылда құрған негізгі мереке. Бірлігіміз жарасып, еліміз тыныш болып, ұлт демей, басқа демей татулықта, бейбіт өмірде күн кешейік, достар! 1 мамыр құтты болсын!

Нұрсұлтан Назарбаев Астанадағы “Сарыарқа” велотрегінде өтіп жатқан жеңімпаздар форумында барлық қазақстандыққа сайлауға белсенді қатысқаны ү

pftlkz — Mon, 27 Apr 2015 15:13:46 GMT

Нұрсұлтан Назарбаев Астанадағы “Сарыарқа” велотрегінде өтіп жатқан жеңімпаздар форумында барлық қазақстандыққа сайлауға белсенді қатысқаны үшін алғыс айтты. “Бүгін ерекше күн, қазақстандықтар тағы да өздерінің ауызбіршілігін көрсетті, көп ұлтты ел бірліктің арқасында барлық тауқыметті жеңеді. Шамамен барлық қазақстандықтар кеше сайлауға келді. Мен адамдардың отбасыларымен, балаларымен, немерелерімен сайлауға келіп, бірнеше сағат бойы кезекте тұрғанын өз көзіммен көрдім. Мен көзіме жас алдым, осыдан кейін жауапкершілік те ұлғаяды, осыдан кейін халқымыздың аман-есен өмір сүріп, әр күн сайын тұрмыстарын жақсартып, болашаққа нық сеніммен қарауы үшін күні-түні ойлана бастайсың”, – деді Назарбаев форумда сөйлеген сөзінде. Ол қазақстандықтардың бүкіл әлемге өздерінің ауызбіршілігі мен біртұтастығын көрсеткенін атап өтті. “Біз қазақстандық саяси мәдениеттің біртұтастығын, жауапкершілігін көрсеттік. Сайлауға барлығы келді. Президентті сайлау – өз болашағыңды таңдау. Барлық қазақстандыққа көп рахмет айтып, басымды иемін. 37 елден келген 850 бақылаушылар мен 40 елдің ақпарат құралдары арқылы әлемге өзімізді таныттық”, – деп атап өтті Назарбаев. Еске сала кетейік, 26 сәуірде елімізде Қазақстан президентінің кезектен тыс сайлауы өтті. Жергілікті уақыт бойынша таңғы сағат 7-ден кешкі 8-ге дейін еліміздің барлық өңірінде сайлау учаскелері жұмыс істеді. Орталық сайлау комиссиясы 26 сәуірде жергілікті уақыт бойынша сағат 21.00-де учаскелердің жабылғанын хабарлады. ОСК мәліметі бойынша, Қазақстандықтардың 95 пайызы сайлауда дауыс берді. Еxit poll мәліметі бойынша, Нұрсұлтан Назарбаев 97,7 пайыз дауыс жинады. Халықтың 0,7 пайызы Әбілғазы Құсайыновқа, 1,6 пайызы Тұрғын Сыздықовты қолдап дауыс берген. Орталық сайлау комиссиясының алдын ала мәліметі бойынша, Нұрсұлтан Назарбаевқа сайлаушылардың 97,7 пайызы дауыс берді.

Президенттік сайлауда Назарбаев 97,7 пайыз дауыс жинады. .

pftlkz — Mon, 27 Apr 2015 15:10:22 GMT

ОСК: Президенттік сайлауда Назарбаев 97,7 пайыз дауыс жинады. . Орталық сайлау комиссиясы төрағасы Қуандық Тұрғанқұлов Астанада брифингте кезектен тыс президент сайлауының алдын-ала нәтижесін жариялап, дауыс беруге қатысқан сайлаушылардың 97,7 пайызы даусын Нұрсұлтан Назарбаевқа бергенін хабарлады. . Қазақстандық портал NUR.KZru kz Басты › Политика ОСК: Президенттік сайлауда Назарбаев 97,7 пайыз дауыс жинады 27 сәуір Орталық сайлау комиссиясы төрағасы Қуандық Тұрғанқұлов Астанада брифингте кезектен тыс президент сайлауының алдын-ала нәтижесін жариялап, дауыс беруге қатысқан сайлаушылардың 97,7 пайызы даусын Нұрсұлтан Назарбаевқа бергенін хабарлады. Фото: пресс-служба Акорды Фото: пресс-служба Акорды ОСК бұған дейін дауыс беруге сайлаушылардың 95,11 пайызы қатысқанын жария еткен. Тұрғанқұловтың сөзінше, Астана қаласындағы соңғы сайлау учаскелерінен бюллетендерді есептеу нәтижесінде дауыс беруге сайлаушылардың 95, 22 пайызы дауыс бергені белгілі болған. Тұрғанқұлов алдын-ала есептеулер бойынша Қазақстан халықтық коммунистік партиясы ұсынған кандидат Тұрғын Сыздықов сайлаушылардың 1,6 пайыз даусын, өзін-өзі ұсынған Қазақстан кәсіподақтары федерациясының төрағасы әбілғазы Құсайынов 0,7 пайыз даусын алғанын айтты. Ол алдын-ала нәтиже кеше жарияланған экзит-полл нәтижесімен “ұқсас шыққанын” да келтірді. ОСК төрағасы сайлаудың түпкілікті нәтижесі сайлау туралы заң бойынша дауыс беру өткеннен кейінгі жеті күн ішінде, яғни 3 мамырдан кешіктірілмей жарияланатынын айтты. Кеше билікшіл “Қазақстан азаматтық альянсы” ұйымы сайлаудың экзит-полл нәтижесін жариялап, Нұрсұлтан Назарбаевтың 97,5 пайыз дауыс алғанын хабарлаған. Ел аумағында сауалнама жүргізгендерін айтқан “Демократия институты” қауымдастығының директоры Юлия Кучинскаяның мәлімдеуінше, экзит-полл нәтижесіне қарағанда Тұрғын Сыздықов – 1,87 пайыз, Әбілғазы Құсайынов 0,63 пайыз дауыс алған.

Ұзынағашта ұлан-ғайыр жұмыс көп

pftlkz — Sun, 26 Apr 2015 08:59:25 GMT

Ұзынағаш селолық округіндегі Ұзынағаш, Ынтымақ, Жаңақұрылыс ауылдарында 6929 аулада 38589 халық тұрады. Округтегі зейнеткерлер саны-2747, Ұлы Отан соғысының ардагерлері- 8, Ауған соғысының ардагерлері - 44, 1-2-3 топтағы мүгедектер -1179, батыр аналар – 310, көп балалы жанұялар - 1502. Округте 63 дүкен, 6 қонақ үй, 20 кафе, мейрамхана, 4 наубайхана, 6 АЗС, 6 өнеркәсіп халыққа қызмет көрсетеді. Жер салығы 111,2 пайызға, мүлік салығы 102,7 пайызға, бір реттік алым 133,3 пайызға, көлік салығы 103,2 пайызға орындалды. Ұзынағаш селолық округінде 7 мектеп, Т.Рысқұлов мектебінің жанында 85 бала жатып оқитын интернат, 3 балабақша, «Жас Ұлан» оқушылар үйі, «Өнер» мектебі, оқу - өндірістік комбинаты. Округтегі 7 мектепте 6317 оқушы оқиды. 2012 жылы 426 түлек мектепті аяқтады, оның ішінде 7оқушы «Алтын белгі» иегері атанды (1 оқушы Абай орта мектебінен, 4 оқушы Ш.Уәлиханов атындағы орта мектептен. 1 оқушы Наурызбай батыр Құтпанбетұлы атындағы орта мектептен, 1 оқушы Ынтымақ орта мектебінен). Мектептер бойынша ұлттық тестке 364 оқушы қатысып, 62 бала емтихан тапсырды. 3 бала денсаулығына байланысты сынақтан босатылды. Мектептер жанынан толық және қысқа мерзімді 8 топ 200 балаға арналған шағын орталық жұмыс атқарады. «Аққайың» балабақшасында 41 тәрбиеші, 511 бала, «Ұлан» балабақшасында 11 тәрбиеші, 136 бала, 75 орынға арналған «Өркениет» жекеменшік балабақшасында 9 тәрбиеші, 80 бала бар. Ұзынағаш ауылындағы медициналық колледжде 24 оқытушы, 340 оқушы білім алуда. Ұзынағаш селолық округінде 1 поликлиника, 150 орындық 1 ауруханада 170 дәрігер, 487 орта медбике жұмыс істейді. Ұзынағаш селолық округі бойынша 105 млн. 336 мың 66 теңгеге Спивакова, Нүкетаева, Қараш батыр, Сариев, Молдағұлова, Сұраншы батыр, Астана, Мәметова, Бәйдібек би, Сыпатай батыр, Абай, Сәтпаев, Өмірзақ ақын, Төле би көшелерінің ішкі жолдарына күрделі жөндеу жүргізілді. Селолық округ әкімінің 2012 жылғы есеп беру кездесулерінде 27 ұсыныс түсіп, олардың 22-і орындалды. Округ бойынша 4 учаскелік инспектор қызмет көрсетеді. (Қайрат АХМЕТӘЛИЕВ, Ұзынағаш селолық округінің әкімі.)

Діні жоқтың - Дымы жоқ!

pftlkz — Sun, 26 Apr 2015 08:42:11 GMT

Жамбыл ауданы елді мекендерінде көптеген мешіт оның ішінде медіреселер бой көтерген. Жас ұрпақтың ертеңгі және ақірет болашағы үшін тегін білім беру жалпы қалыптасқан құндылық! Солардың ішінде Ауданымыздың Орталық мешіт діни сауат ашу сабақтарына шақырады. . Әр сәрсенбі күні Орталық мешіт және Әр Бейсенбі күні Ауылдық Қалмет ата мешіті Пайғамбарымыз(оған Алланың игілігі мен сәлемі болсын) хадистерін үйренуге шқырады. . Дінді білмеген дымды да білмейді деген қазақта. Мүмкіндік барда пайдаланып қалыңыздар.